اغنية يا بنت الايه لتامر حسني حكايتها و اصلها

هاى يا جماعة ايه الاخبار

الموضوع جديد شوية على المنتدى بس بالنسبة ليا مهم

نبتدي نحكي الحكاية

كان يا مكان في هاذا الزمان كان واحد اسمه معتز عبد الراضي " اللي هو انا "

بيلحن و بيكتب اغاني

جاتلو فكرة اغنية و كتبها و سماها يا بنت الايه .... و كانت كلماتها

اه يا بنت الايه ... هو انتي على طول كدهو سبقاني .... اه يا بنت الايه

دي كانت لسة على لساني .... اه يا بنت الايه

انا نفسي مرة اقولك حاجة .... و الاقيكي مش عارفاها ...

ولا انتي شكلك كدة تعرفي تقري الافكار....

طب على كدة منتيش محتاجة .... اني اقولك اي حاجة ....

و اكيد كمان تعرفي عني كل الاسرار ....

طب لو شاطرة قوليلي .... كنت حاقول انا ليكي ايه تاني .... اه يا بنت الايه

لما انتي على طول كدة هو سبقاني .... اه يا بنت الايه

و بعد ما كتبها لحنها ... و بعد ما لحنها راح لواحد صحبه صوته حلو و غناها معاه

و في يوم من الايام .... كان هو و صاحبه قاعدين في مكان عام و كان معتز معاه جيتاره فغنوا الاغنية سوى

و احد المستمعين سجلها على الموبايل بتاعه .... و انتشرت الاغنية على الموبايلات بسرعة جدا

و بعدها بشهر تقريبا نزل البوم يا بنت الايه لتامر حسني

انا مش بقول اخد الاكلام

بس اخد الفكرة .... والله اعلم ممكن تكون الفكرة جاتلو هو كمان ... الله اعلم

بس اللي اتقاللي انه اخد الفكرة

انتو ايه رايكم خدها ولا مخدهاش ؟؟؟؟

و ايه رايكم في الكلام

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء